Basty nysana –  Rıo-de-Janeıro

2016  jyldyń  jazynda Brazılııada HHHI Jazǵy Olımpıada ótedi. Endi Qazaq eli sportshylarynyń osy jahandyq jarys aldyndaǵy múmkindikteri qandaı? О́tken eki jylda qandaı belesterge qol jetkizdik, degen saýaldarǵa jaýap izdep kórsek.

Abyroıy asqan qazaq boksy

Elbasy Nursultan Nazarbaevtyń syndarly saıasaty men qamqorlyǵynyń arqasynda elimizdiń sport salasy qarqyndy damý jolyna tústi. Sala­matty ómir saltyna den qoıǵan adamdar jyl sanap artyp, elimizdiń barlyq aımaqtarynda sport ǵımarattary kóptep salynyp jatyr. Memlekettik deńgeıde qoldaý bar jerde nátıje bolatyny belgili. Buǵan el sportshylarynyń álemdik arenadaǵy tamasha jeńisteri tolyq dálel bolady. Máselen, London Olımpıadasy Qazaqstan sportshylarynyń álemdik deńgeıdegi múmkindigin naqty kórsetip berdi. 205 memleket básekege túsken aıtýly synda bizdiń qurama komandalyq esepte 12-orynǵa taban tiredi. Qazaq olımpıadashylarynyń bul tabysyna Elbasy Nursultan Nazarbaev joǵary baǵa berdi, al mıllıondaǵan jankúıer shat-shadyman qýanyshqa bólendi. Sodan beri eki jarym jyldaı ýaqyt artta qaldy. Biz búgingi maqalamyzda 2013 jáne 2014 jyldardaǵy sport maýsymdaryna múmkindiginshe sholý jasap, oı tarqatqandy jón sanadyq. 2013 jyl Qazaqstan sporty úshin sátti boldy. Bul jyly qazaq boksshy­lary buryn-sońdy bolmaǵan tabysqa qol jetkizdi. Tarıhqa zer salsaq, eli­miz táýelsizdik alǵannan beri Bolat Juma­dilov, Serik Sápıev (2 ret), Gennadıı Golovkın, Galıb Jafarov, Erdos Jańa­bergen sekildi bylǵary qolǵap sheber­leri álem chempıondary bolǵan eken. 2013 jyly Almatydaǵy álem chempıonatyna 116 memleketten 576 boksshy keldi. Bul chempıonat qatysýshy elder men sportshylardyń kóptigi jaǵynan rekord jańartty. Osy álemdik básekede Birjan Jaqypov, Mereı Aqshalov, Danııar Eleýsinov jáne Jánibek Álimhanuly syndy tórt birdeı qazaq jigiti álem chempıony ataǵyna qol jetkizdi. Ádilbek Nııazymbetov pen Ivan Dychko kúmis medalǵa, Qaırat Eralıev pen Berik Ábdirahmanov qola júldege ıe boldy. Sóıtip, qazaqtyń ójettigi men sheberligin búkil álem moıyndady. Qalyń qazaqtyń rýhy kóterildi, jankúıer qaýym qýanyshqa keneldi. Buǵan deıingi Olımpııa oıyndary men álem chempıonattarynda birneshe márte moıny ozyq úsh quramanyń qatarynan kóringen qazaq quramasy bul joly tarıhta tuńǵysh ret dúnıejúzilik chempıonattyń komandalyq bas júldesine ıelik etti. Daryndy bylǵary qolǵap sheberi Danııar Eleýsinov álem chempıonatynyń eń úzdik boksshysy atandy. Al quramanyń bas bapkeri Myrzaǵalı Aıtjanov 2014 jyldyń qorytyndysy boıynsha Jer sharynyń eń tańdaýly jattyqtyrýshysy ataǵyna ıe boldy. Bile bilsek, el bolyp shattanatyn, kóp bolyp baǵalaıtyn jetistik osy der edik. 195 memlekettiń boks federasııalaryn biriktiretin AIBA basshylary qos qazaǵyńdy dúnıejúziniń eń tańdaýlysy dep moıyndap jatsa, qalaı qýanbaısyń. El mereıi, ult mártebesi osylaı kóteriledi. Bizdiń boksshylar mundaı bıik beleske bir kúnde jetken joq. Keńes Odaǵy tusynda joǵary deńgeıde kóringen respýblıka bylǵary qolǵap sheberleri táýelsizdik alǵannan bergi kezeńde dúnıejúzindegi myqtylar sapynda keledi. HH ǵasyrdyń 90-jyldarynyń ortasynda Qazaqstan boks federasııasynyń basshysy Beket Mahmutov AIBA-nyń birinshi vıse-prezıdenti dárejesine kóterilse, boks­shylarymyz Olımpıada jáne álem chempıonattarynda erekshe kózge tústi. Beket Mahmutovtyń belsendiligi men iskerligi nátıjesinde Vasılıı Jırov 1996 jyly, Baqtııar Artaev 2004 jyly Olımpıadanyń eń tańdaýly boksshysyna arnalǵan Barker kýbogyn jeńip aldy. Qysqasy, Beket Mahmutov respýb­lıka boksyna kóp eńbek sińirdi. B.Mahmutovtan keıin AIBA-nyń vıse-prezıdenti bolǵan Tımýr Qu­ly­baev­tyń da el boksyna qosqan úlesi mol. Qazaqstan Respýblıkasynyń Sporttyq jekpe-jek jáne kúsh qoldanylatyn sport túrleri konfederasııasynyń prezıdenti Tımýr Asqaruly bokstan 2013 jylǵy álem chempıonatynyń Almatyda ótýine uıytqy bolyp, dú­nıe­júzilik synnyń bıik deńgeıde uı­ym­­dastyrylýyna barynsha atsalysty. 2013 jyly Qazaqstan aýyr atlet­shileri álem chempıonatynda 1 kú­mis, 1 qola medalǵa ıe boldy. Ilıa Ilın, Maııa Maneza, Zúlfııa Chın­shan­lo, Svetlana Podobedova sekildi Olımpıada jáne álem chempıondary dúnıejúzilik birinshilikke qatyspasa da, bizdiń sportshylar bul synnan qurqol qaıtqan joq. 2012 jyly London Olımpıadasyn­da jetinshi orynǵa taban tiregen Almas О́teshov bul joly sátti óner kórsetti. Ol qazaq aýyr atletshilerinen birinshi bolyp álem chempıonatynyń kúmis júldegeri atandy. Almaspen bir salmaqta – 94 kelide synǵa túsken Vladımır Sedov álemdik synnyń qola medalin jeńip aldy. Osynyń ózi-aq qazaq aýyr atletshileriniń álemdik deńgeıdegi múmkindiginiń zor ekenin kórsetip berdi. Dzıýdoshy Azamat Muqanov ta Almas baýyry sekildi ult sporty tarıhynyń jańa paraǵyn ashty. Buǵan deıin qazaq dzıýdoshylary álem chempıonatynyń qola júldesimen shektelip kelse, 2013 jylǵy dúnıejúzilik birinshilikte Muqanov kúmis júldege ıe boldy.Azamat sol jyly Azııa chempıonatynda qola medaldi qanaǵat tutqan edi. Osy jerde tarıhqa sál sheginis jasasaq, dzıýdo kúresi Qazaq eline HH ǵasyrdyń jetpisinshi jyldarynyń basynda keldi. Sodan beri qyryq jyldan asa ýaqyt ótti. Qazaqstandyq jat­tyqtyrýshylar osy ýaqyt aralyǵynda 2009 jylǵy dúnıejúziniń jeńimpazy Maksım Rakovtan basqa álem chempıonyn baptaı almady. Qazaq dzıýdoshylarynan áli kúnge deıin Olımpıada jáne álem chempıonynyń shyqpaýy da osy sala bapkerleriniń namysyna tıetin jaǵdaı. 2013 jyly grek-rım kúresindegi túıe balýanymyz Nurmahan Tinálıev úshinshi ret álem chempıonatynyń qola júldesine qol jetkizdi. Áıelder kú­resinde el namysyn qorǵaǵan Ekaterına Larıonova qorjynymyzdy qola medalmen tolyqtyrdy. Erkin kúres balýandary mıllıon­daǵan jankúıerlerdiń senimin aqtaı almaı, taǵy da júldesiz qaldy. Erkin kúrestiń Qazaq elinde qanat jaıa basta­ǵanyna alpys jyldaı ýaqyt boldy. Sodan beri eresekter arasynda Olımpıada jeńimpazy nemese dúnıe­júziniń chempıony atanǵan birde-bir balýanymyz joq. HH ǵasyrdyń 60-70-jyldary ulttyq quramany Petr Matýshak pen Qabden Baıdosov baptaǵan kezeńde Máskeýdiń solaqaı saıasatynyń saldarynan talaı myqty balýandarymyzdyń baǵy baılansa, elimiz táýelsizdik alǵannan bergi jıyrma úsh jylda 1 mıllıondaı ǵana cheshen men Kaspııdiń arǵy betindegi ázerbaıjan baýyrlar ǵurly kúrese almaı kelemiz. Bul jyly jeńil atletıkadan álem chempıonaty Máskeýde ótti. London Olımpıadasynyń jeńimpazy Olga Rypakova Reseı astanasyndaǵy ja­rysqa aıaǵy aýyr bolýyna baılanys­ty qatysa alǵan joq. 206 eldiń sportshylary báıge kórigin qyzdyryp, 47 medal jıyntyǵy sarapqa salynǵan dúbirli básekede Reseı quramasy jalpykomandalyq bas báıgeni jeńip alsa, Qazaqstan jeńil atletshileri eń bolmasa bir medalǵa ilige almady. Máskeýdegi chempıonatta Ýkraına jeńil atletshileri eki altyn, Estonııa sportshylary bir qola medal oljalap, bizden ozyp ketti. Baıdarka men kanoe esýden bolǵan álemdik chempıonatta 29 medal jıyntyǵy sarapqa tústi. Az júlde emes. 78 memlekettiń sportshylary talasqa túsken básekede 11 qaıyqshysy bar Qazaqstan quramasyna medal buıyrǵan joq. Al belorýstar 3 kúmis, 2 qola medalmen álemdegi myqty komandalardyń qataryna qosyldy. Bizdiń medaldarymyz boks, aýyr atletıka, dzıýdo jáne kúresten buıyrdy, al barlyǵy 76 altyn medal talasqa túsken jeńil atletıka men qaıyq sportynda olqy soǵyp jatqanymyz Mádenıet jáne sport mınıstrligi basshylaryna oı salsa deımiz. Osy tusta 2013 jyldy túıindesek, Qazaq eli sportshylary 4 altyn, 4 kúmis, 5 qola medalmen dúnıejúzi boıynsha 20-orynǵa shyqty. Eger sol jylǵy álem chempıonatyna kúshti degen aýyr atletshilerimiz qatysqanda, bizdiń ulttyq quramanyń edáýir joǵary kóterilýge múmkindigi bar edi. Azııa boıynsha besinshi satydamyz. TMD elderi arasynda úshinshi oryndamyz. Bir qaraǵanda, jaman nátıje emes. Biraq Qazaqstan sportynyń múmkindigi budan da zor ekenin esten shyǵarmaýymyz kerek.

 Basty básekelerde babymyzda boldyq

Bizdiń ulttyq qurama úshin 2014 jyldyń basty básekeleri – Sochıdegi Qysqy Olımpıada men Inchhondaǵy jazǵy Azııa oıyndary jáne aýyr atletıkadan Almatyda ótken álem chempıonaty desek, qatelespeımiz. Sochı Olımpıadasynda máner­lep syrǵanaýshy Denıs Ten je­ń­ip alǵan jalǵyz qola medalmen jalpykomandalyq esepte 25-orynǵa ıe boldyq. Qysqy Olım­­­pıadada frıstaılshylar men short-trek komandasy táýir óner kórsetti. Sochıden oralysymen barlyq kúshti jazǵy Azııa oıyndaryna daıyndyqqa jumyldyrýǵa týra keldi. 2010 jyly Qytaıdyń Gýanjoý qalasyndaǵy qurlyq oıyndarynda bar bolǵany 18 altyn medalǵa ıe bolyp, komandalyq besinshi oryndy qanaǵat tutqan edik. Sol synda Iran quramasy aldymyzdy orap, jalpykomandalyq tórtinshi oryndy bizden tartyp alǵan edi. Iá, alǵashqy úsh oryn Qytaı, Japonııa jáne Ońtústik Koreıanyń enshisinde. Halqynyń sany bizden áldeqaıda basym bul memlekettermen jekelegen sport túrlerinen talasýǵa bolady, al keshendi jarystarda baq talastyrý ázirge múmkin bolmaı tur. Inchhondaǵy oıyndarǵa ko­man­dalyq esepte qaıtsek te tór­tin­shi orynnan kóriný úshin tas-túıin bekinip bardyq. Sebebi, Lon­dondaǵy Olımpııa oıyndary bizdiń halyqaralyq arenadaǵy múm­kindigimizdiń mol ekenin muqym dú­nıege dáleldep berdi emes pe?! Onyń ústine, birneshe sport túrinen nátıjelerimiz burynǵy jyldarǵa qaraǵanda edáýir jaqsarǵan bolatyn. Bizdiń basty qarsylastarymyz – ırandyqtar negizinen sporttyń jekpe-jek túrlerine úmit artýmen qatar, olardyń myltyq, sadaq, velosıped, voleıbol, basketbol jáne jeńil atletıkadan altyn medalǵa talasatyn múmkindikterin esepke al­dyq, bizde dástúrli jekpe-jekterden basqa, sporttyń komandalyq jáne klassıkalyq túrleri qanattasa damyp keledi. Táýekel! Sátin salǵanda bári oıdaǵydaı boldy. Boksshylarymyz 6 altyn 1 kúmis, 1 qola medal oljalasa, ırandyq boks­shylar 2 kúmis, 1 qola medalmen shań qaýyp qaldy; Qazaqstan quramasy júzýden 3 altyn, 2 kúmiske ıe bolsa, Iran sportshylary birde-bir júlde alǵan joq; biz baıdarka men kanoe esýden 5 altyn, 3 kúmis, 2 qola medaldi enshilesek, ırandyqtarǵa buıyrǵany – 1 kúmis, 2 qola júlde. Atalǵan úsh sport túrinen ǵana Qazaqstan sportshylary Iran quramasynan 14 altyn medaldi artyq oljalady. Sonymen birge, dzıýdo básekesinde ırandyqtardan basym tústik. Eldos Smetov qazaq dzıýdoshylarynan birinshi bolyp Azııa oıyndarynyń jeńimpazy atandy. Myltyq atýda, velosıped jarysynda jáne aýyr atletıkada eki el quramasy úzeńgi qaǵystyryp, qatar júrdi. Olar erler voleıbolynda altyn alsa, bizdiń sý doby quramasy jeńis tuǵyrynan kórindi. Iran sadaq atýdan ozsa, biz stend atýdan, úlken tennısten jeńdik. Iran karateden 3 altyn medalǵa qol jetkizse, biz 2 altyn júldemen óksheleı basyp toqtadyq. Iran taekvondodan 4 altyndy qanjyǵaǵa baılasa, bizdiń jeńil atletshiler 3 altyn medaldi qorjynǵa saldy. Qysqasy, Iran balýandary kúrestiń úsh túrinen 6 jeńimpazben bizden ozyp ketti. Grek-rım kúresindegi túıe balýanymyz Nurmahan Tinálıev qatarynan ekinshi ret Azııa oıyndarynyń chempıony atanyp, mereıimizdi ósirse, boksshy Danııar Eleýsinov, jeńil atletshiler Olga Rypakova men Margarıta Muqasheva da Azııa oıyndarynyń eki dúrkin jeńimpazy degen mártebeli ataqqa ıe boldy. Al 44 jastaǵy surmergen Olga Dovgýn Inchhonda úshinshi ret Azııa oıyndarynyń altyn tuǵyryna kóterildi. 2014 jylǵy Azııa oıyndarynda Qazaq eliniń boksshylar komandasy, sý doby sheberleri, tennısten erler komandasy jáne baıdarka men kanoe esý quramasy komandalyq bas báıgeni jeńip alsa, dzıýdoshylar men jaǵajaı voleıbol komandasy, tas jolda jarysatyn velosıpedshilerimiz 40-tan asa memleket qatysqan oıyndarda ekinshi orynǵa taban tiredi. Regbı, tennıs, kórkem gımnastıka jáne qol dobynan áıelder quramalary, sınhrondy júzýshiler, júzýshiler, myltyq jáne stend atýshylar, karateshiler komandalyq esepte Azııa oıyndarynda úshinshi orynǵa ıe boldy. 2010 jyly el órenderi sporttyń 9 túrinen altyn, 11 túrinen kúmis, 17 túrinen qola medalǵa qol jetkizse, 2014 jyly sporttyń 14 túrinen altyn, 13 túrinen kúmis, 25 túrinen qola medaldi jeńip aldy. Osy derekter ótken tórt jyl ishinde elimizdiń joǵary sporty sapalyq jaǵynan qanshalyqty alǵa basqanyn dáleldeıdi. Taǵy bir eskeretin jaǵdaı, el quramasy Inchhonda 28 altyn medal oljalap, rekordtyq nátıjege qol jetkizdi. Osylaısha, bizdiń qurama tórt jylda bir ret ótetin Azııa oıyndarynda Irandy ǵana artqa tastap qoıǵan joq, birneshe sport túrinen Qytaı, Japonııa jáne Ońtústik Koreıa sportshylaryn basyp ozdy. Jalpy jıyny 28 altyn, 23 kúmis, 33 qola (barlyǵy 84) medaldi qanjyǵaǵa baılaǵan respýb­lıka quramasy halqynyń sany bizden áldeqaıda kóp Úndistan (1 mlrd. 220 mln. turǵyny bar), Indonezııa (245 mln.), Pákistan (193 mln.), Fılıppın (101 mln.), Vetnam (90 mln.), Iran (80 mln.), Taıland (67 mln.), О́zbekstan (30 mln.), taǵy basqa iri memleketterdi, barlyǵy 41 eldi artqa tastap, komandalyq esepte tórtinshi orynǵa shyqty. Qazaqstan quramasynyń Azııa oıyndaryndaǵy tamasha tabysyn álem chempıonattarynda baq synaǵan aýyr atletshilerimiz ben boksshy qyzdarymyz laıyqty jalǵastyra bildi. Aýyr atletıkadan Almatyda ótken dúnıejúzilik birinshilikte eki dúrkin Olımpıada jeńimpazy Ilıa Ilın tórtinshi ret álem chempıony atandy. Ol osy jarysta serpe kóterýden álem rekordyn jańartty. Jas shtangashy Jasulan Qydyrbaev Alataý baýraıyndaǵy aıtýly synda shyn sheberligimen tanyldy. Ol – aýyr atletıkadan qazaq jastarynan shyqqan tuńǵysh álem chempıony! Uzaq jyldar boıy sporttyń osy túri bizdiń baýyrlarǵa yryq bermeı kelse, Jasulan óz jerimizdegi álemdik chempıonatta taý-taý temir kóterý qazaq jigitteriniń de qolynan keletinin dá­leldep berdi. Olımpıada jeńimpazy, álemniń eki dúrkin chempıony Zúlfııa Chınshanlo Almaty tó­rinde serpe kóterýden álem re­kor­­­­dyn (134 kılo) ja­­ń­ar­typ qa­na qoı­maı, qos­saı­­ysta úshinshi ret dú­­­nıejúzilik b­irin­shi­­liktiń altyn tu­ǵyryna kó­terildi. Qazaqtyń daryndy qy­zy Jazıra Japparqul álemdik chempıonattyń kúmis júldegeri atansa, 2009 jylǵy álem chempıony Vladımır Sedov ta kúmis medalǵa qol jetkizdi. Alataý baýraıyndaǵy chempıonatta eresekter arasynda 12 álem rekordy jańardy. Qazaqstan aýyr atletshiler quramasy jalpykomandalyq esepte Qytaı men Soltústik Koreıa komandalarynan keıin úshinshi orynǵa taban tiredi. Bul, sóz joq, tamasha jetistik. Osy jerde Janat Túsipbekov jetekshilik etetin respýblıkalyq Aýyr atletıka federasııasynyń eren eńbegin atap ótken jón. Federasııa basshylyǵy Mádenıet jáne sport mınıstrligimen birlesip, Almatydaǵy álem chempıonatyn joǵary deńgeıde ótkizdi. Aıtýly synǵa bes qurlyqtyń 72 elinen 538 sportshy qatysty. Chempıonattyń uıymdastyrý komıtetinde 80 adam bolsa, olarǵa aǵylshyn tiline jetik 300 volonter qol ushyn berdi. Bul jarysty áıgili «Eurosport» bastaǵan telearnalar dúnıejúziniń 120 eline kúndelikti nasıhattap turdy. Chempıonattyń úsh tilde uıymdastyrylǵan arnaıy saıtyn kúnine orta eseppen 40 myń jankúıer oqysa, 15 qarasha kúni oqyrman sany 98 myń adamǵa jetti. Halyqaralyq aýyr atletıka federasııasynyń prezıdenti Tomash Aıan myrza Elbasy Nursultan Nazarbaevqa jazǵan alǵys hatynda Qazaq elinde bolǵan chempıonat buǵan deıingi dúnıejúzilik birinshilikterden barlyq jaǵynan joǵary turǵanyn atap ótti. Aýyr atletıkadan mańdaıy jar­qyrap shyqqan úsh álem chem­pıonynyń qataryn boksshy qyzymyz Nazym Qyzaıbaı tolyqtyrdy. Nazym Ońtústik Koreıadaǵy álem chempıonatynda qazaq qyzdarynan birinshi bolyp dúnıejúziniń chempıony ataǵyna ıe boldy. Onyń komandalas qurbysy Lázzat Kúngeıbaeva álem chempıonatynyń kúmis júldegeri atandy. Sonymen, Qazaqstan sportshylary 2013 jyly jazǵy sport túrlerinen álem chempıonatynda 4 altyn medalǵa ıe bolsa, 2014 jyly negizgi kúshimizdi jazǵy Azııa oıyndaryna jumyldyrǵanymyzǵa qaramastan, taǵy da 4 altyn júldege qol jetkizdi. Allaǵa shúkir, London Olımpıadasynan keıingi eki jyl res­pýblıka sporty úshin jemisti boldy. Bul jetistikterge qosa, shahmatshy qyzdarymyzdyń 130 memleket sportshylary qatysqan Dúnıejúzilik shahmat olımpıadasynda tuńǵysh ret altynshy oryndy jeńip alǵanyn maqtanyshpen aıtýǵa bolady. Quramynda Jansaıa Ábdimálik, Dınara Sádýaqasova, Gúlishan Naqbaeva, Gúlmıra Dáýletova jáne Mádına Dáýletbaeva syndy talantty qyzdarymyz bar Qazaqstan quramasy osy Olımpıadada komandalyq ekinshi oryn alǵan Qytaı qyzdarynan nebári bir upaıǵa ǵana utyldy. Shahmatqa qatysty taǵy bir jaǵymdy áńgime: byltyr Dınara Sádýaqasova jastar arasyndaǵy álem chempıonatynda top jardy. Taǵy bir qarlyǵashymyz – tennısshi Zarına Dıas byltyr jyl basynda álemdik tennıs reıtınginde 152-orynda tursa, 2015 jyldyń qańtarynda 31-orynǵa kóterildi. Bul aıtýǵa ǵana ońaı. Úlken tennıste sportshylar boks pen kúrestegideı salmaq dárejelerine qaraı iriktelmeıdi, jeńil atletıkadaǵydaı ár qashyqtyqqa bólek-bólek jaryspaıdy. Jer sharynyń barlyq tennısshisi er jáne áıelder bolyp eki-aq topqa bólinedi de, báseke kórigin qyzdyrady. Bizdiń Zarına osyndaı álemdik alaman dodada qazaqtyń namys týyn bıik ustap júr. Qazir Zarına Dıas Qazaqstan tennısshileriniń kóshbasshysy. Reti kelgende Qazaqstan Tennıs federasııasynyń prezıdenti Bolat О́temuratovtyń osy sport túriniń el kóleminde keńinen qanat jaıýyna zor úles qosqanyn aıta ketýimiz kerek. Federasııanyń bastamasymen zaman talabyna saı tennıs ortalyqtary men korttary eldiń barlyq aımaqtarynda salyndy. Sonyń nátıjesinde tennıske den qoıǵan adamdardyń qatary jyl sanap ósip keledi. Keıingi jyldary Qazaqstan tennısshileri halyqaralyq arenada jaqsy jetistikterge jetip júr. Jyl sońynda AIBA-dan taǵy bir súıinshi habar jetti. Qazaqstan boks quramasynyń bas bapkeri Myrzaǵalı Aıtjanov qatarynan ekinshi jyl dúnıejúziniń eń úzdik jattyqtyrýshysy atandy. Al boks quramasynyń kapıtany Danııar Eleýsinov 2014 jyldyń qorytyndysy boıynsha taǵy da álemniń eń tańdaýly boksshysy retinde tanyldy. Qazaq eline boks qolǵabyn tuńǵysh alyp kelgen Shoqyr Bóltekuly aǵamyz armandaǵan mereıli sátterdi kórý bizdiń mańdaıymyzǵa jazylǵan eken. Barshańyzǵa qazaq sportynyń abyroıly kúnderi kóp bolsyn, deımiz. Qazir ulttyq qurama Rıo-de-Janeıro Olımpıadasyna qyzý ázirlenip jatyr. Sport mamandary men sportshylardyń basty maqsaty – memleket mártebesin kóterip, jankúıer senimin aqtaý. Temirhan DOSMUHAMBETOV, Parlament Májilisiniń depýtaty, Ulttyq olımpıada komıtetiniń prezıdenti, KSRO-nyń eńbek sińirgen jattyqtyrýshysy.